जैन अल्पसंख्याक विकास आर्थिक महामंडळ

जैन समाजाच्या सामाजिक व आर्थिक विकासासाठी स्वतंत्र महामंडळ स्थापन करण्याची मागणी अनेक वर्षांपासून लोकप्रतिनिधी व विविध संघटनांकडून करण्यात येत होती. या पार्श्वभूमीवर जैन समाजातील नागरिकांच्या आर्थिक व सामाजिक उन्नतीसाठी विविध कल्याणकारी योजनांचा लाभ उपलब्ध करून देण्याच्या उद्देशाने जैन अल्पसंख्याक विकास आर्थिक महामंडळ स्थापन करण्यात आले आहे.

महामंडळामार्फत बीज भांडवल योजना, थेट कर्ज योजना, वैयक्तिक कर्ज व्याज परतावा योजना आणि गट कर्ज व्याज परतावा योजना यांसारख्या योजनांच्या माध्यमातून जैन समाजातील पात्र लाभार्थ्यांना आर्थिक सहाय्य, स्वयंरोजगार व आर्थिक उन्नतीसाठी प्रोत्साहन दिले जाणार आहे.

जैन समाजातील सर्व पंथ व संप्रदायांना योग्य प्रतिनिधित्व मिळावे यासाठी महामंडळाच्या संचालक मंडळाची सदस्यसंख्या २१ करण्यात आली आहे.

तसेच, महामंडळाच्या नावातील “जैन समाज” हा उल्लेख वगळून अधिकृत नाव “जैन अल्पसंख्याक विकास आर्थिक महामंडळ” असे करण्यात आले आहे.